EURO 1,9794 NEFT 71,72
USD 1,7 RUB 0,0271
  1. http://www.islamazeri.com/
  2. MÜSAHİBƏ
  3. MÜNASİBƏT

Kateqoriya : MÜSAHİBƏ

MÜNASİBƏT

Yayınlanma tarixi:04.12.2017 16:00:31

Zərdüşt Əlizadə: "ABŞ sionistlərinin ərazi iddiasının arxasında durur"

1995-ci ildə ABŞ Konqresində belə bir qərar verildi ki, ABŞ-ın İsraildəki səfirliyi Təl-Əvivdə deyil, Qüdsdə yerləşdirilməlidir. Uzun illər bu qərar həyata keçirilməyib və ABŞ prezidenti Donald Tramp da bu məsələnin qüvvəyə minməsini 6 ay təxirə salmışdı. Həmin vaxt artıq başa çatıb və ABŞ mediası Trampın bu qərarı qüvvəyə mindirəcəyini yazır. Bununla əlaqədar Ərəb Dövlətləri Liqası toplanaraq bəyanat səsləndiriblər.

Bəs, ABŞ səfirliyi Qüdsə köçürülərsə nə baş verər? FaktXeber.com məsələ ilə əlaqədar politoloq Zərdüşt Əlizadədən münasibət öyrənib.

Politoloq vurğuladı ki, Fələstin-İsrail məsələsinin tənzimlənməsində Qüds ən çox mübahisə doğuran mövzulardan biri olub: "Çünki Qüds həm yəhudi dinində, həm də İslam dinində müqəddəs bir yerdir. Hamı bilir ki, Quran ayəsinə və hədislərə görə, Məhəmməd Peyğəmbər Buraq adlı məxluqun belində məhz Qüdsdən merac edib. Buna görə də, bu məkan müsəlmanlar üçün müqəddəs yerdir. Eyni zamanda yəhudilər üçün də müqəddəsdir."

 

Zərdüşt bəyin sözlərinə görə, bu ərazi münaqişəsinin həllərindən biri kimi belə bir təklif var idi ki, Qüds heç kimin hüquqi mənsubiyyətində olmasın, üç dünya dininin – yəhudiliyin, xristianlığın və İslamın müqəddəs bir məkanı kimi azad şəhər olsun: "Qüdsün bir hissəsi qanuna görə İsrail torpağıdır. İsrail Qüdsü öz paytaxtı elan edəcəksə, onda Qüdsün bitərəf, azad, dinlərin beşiyi şəhəri olması təklifi səsləndirilir."

Siyasətçi bildirdi ki, Fələstin dövləti bir çox dünya dövlətləri, o cümlədən Azərbaycan tərəfindən tanınıb, Bakıda bu ölkənin səfirliyi var. Bununla belə, dövlət de-yure yaradılsa da, de-fakto yaradılmayıb: "Bu gün Fələstin dövləti yaradılacaqsa, o zaman onların paytaxtı hələlik Ramallah sayılacaq. Onlar da məcbur olacaqlar Qüdsün bir hissəsini özlərinə paytaxt eldan eləsin. Bu çox məntiqsiz və acınacaqlı vəziyyətdir."

Zərdüşt bəy İsrailin Qüdsü öz paytaxtı elan etməsinin arxasında sionist ideologiyasının durduğunu vurğuladı: "Onların ideologiyasına görə, Qüds İsrailin bütöv, bölünməz paytaxtıdır. Onlar siyasi məzhəb kimi İsrailin Qüdsün hamısını tutmasını qarşılarına məqsəd qoyub. Amerika da Qüdsü İsrailin paytaxtı kimi tanımaqla, bu sionist ideologiyaya dəstək verir və göstərir ki, xaçpərəst dünyasının digər dövləti kimi onlar yəhudi sionistlərinin ərazi iddiasının arxasında dururlar."

"Dünənə kimi İsrailin paytaxtı Təl-Əviv idi, səfirliklər də orda yerləşirdi. Amerika da dünənə kimi münsif kimi çıxış eləməyə çalışırdı, guya yəhudiləri, müsəlmanları birləşdirmək, barışdırmaq istəyirdi, indi bu qərarı ilə birbaşa yəhudi sionizminin tərəfdarı olduğunu sübuta yetirir", - deyə politoloq sözlərini yekunlaşdırıb.


Politoloq Qüds məsələsini şərh etdi

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Azərbaycan-İtaliya sənədləri imzalanıb
    Bu gün geniş tərkibdə görüş başa çatandan sonra Azərbaycan Respublikasının Prezidenti İlham Əliyevin və İtaliya Respublikasının Prezidenti Sercio Mattarellanın iştirakı ilə sənədlərin imzalanması mərasimi olub.
     18.07.2018
    Hindistanda musson yağışlar yüzlərlə insanın həyatına son qoydu
    Mürəkkəb hava şəraiti ölkənin 91 regionuna təsir edib.
     18.07.2018

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ