EURO 1,9163 TRY 0,2477
USD 1,7 RUB 0,024
  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:02.08.2019 12:24:02

Beynəlxalq Münasibətlərin Təhlili Mərkəzində mətbuat konfransı keçirilib.

Beynəlxalq Münasibətlərin Təhlili Mərkəzində mətbuat konfransı keçirilib.

APA-nın xəbərinə görə, mətbuat konfransında çıxış edən Mərkəzin İdarə Heyətinin sədri Fərid Şəfiyev bildirib ki, Mərkəz artıq xarici tərəfdaşları ilə bir neçə memorandum imzalayıb və əməkdaşlığı genişləndirmək niyyətindədir.   

Onun sözlərinə görə, Mərkəzin başlıca hədəflərindən biri Azərbaycanla, əsasən də Ermənistan-Azərbaycan Dağlıq Qarabağ münaqişəsi ilə bağlı araşdırmaların sayını artırmaqdır. 

 F. Şəfiyev deyib ki, ölkədə erməni dilli mütəxəssislərə böyük ehtiyac var və Mərkəzdə ermənişünaslıq bölməsinin açılması planlaşdırılır: “Bəzi ali təhsil müəssisələrində erməni dilinin tədris edilməsinə baxmayaraq, erməni dilli mütəxəssislərlə bağlı vəziyyət hazırda qənaətbəxş deyil. Araşdırmalar zamanı dili bilən mütəxəssislərə ehtiyac duyulur".

İdarə Heyətinin sədri qeyd edib ki, Mərkəzin fəaliyyətinə könüllülər və təcrübəçilər də cəlb ediləcək, həmçinin xarici mütəxəssislərə təqaüdlərin verilməsi də nəzərdə tutulur.

“Ermənistan-Azərbaycan Dağlıq Qarabağ münaqişəsi sahəsində araşdırmalar lazım olan standartlara cavab vermir. Mərkəzin başlıca məqsədlərindən biri məhz bu münaqişə ilə bağlı yüksək səviyyəli araşdırmalar aparmaqdır. Bu mərkəzi açıq bir platforma kimi görürəm. Biz ölkədə mövcud olan digər düşüncə mərkəzləri ilə də əməkdaşlıq etmək istəyirik”, - F. Şəfiyev vurğulayıb.

Mətbuat konfransında həmçinin Mərkəzin yeni loqosu - "AİR Center" təqdim olunub. Bildirilib ki, Mərkəz loqoda qeyd olunan "AİR Center" adı ilə dünyada tanınmağı hədəfləyir.

Qeyd edək ki, Beynəlxalq Münasibətlərin Təhlili Mərkəzi 2019-cu il fevralın 6-da Prezident İlham Əliyevin fərmanı ilə yaradılıb.


Ölkədə erməni dilli mütəxəssislərə böyük ehtiyac var - Fərid Şəfiyev

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • “Shafaqna Azərbaycanca” fəaliyyətə başladı - MÜSAHİBƏ
    Ayətullah Şəhristaninin Gürcüstan təmsilçisi, Alulbayt Gürcüstanın rəhbəri Hacı Faiq Nəbiyevlə müsahibə...
     10.07.2020
    Rusiyada ildırım daha bir kilsəni yandırdı -Yanma anının videosu
    Yanğının söndürülməsi prosesinə 14 insan və 5 ədəd texnika cəlb edilib.
     10.07.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ