EURO 1,9288 TRY 0,311
USD 1,7 RUB 0,0264
  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:03.03.2017 16:52:51

Sabunçu rayonunun Maştağa qəsəbəsində Bakı fəhləsi küçəsində yerləşən tarixi Hacı Əziz məscidi məhv olmaq üzrədir.

1836-cı ildə tikilmiş və dövlət tərəfindən qorunan məscidin tavanı tökülüb, divarları isə nəmişlikdən çökmək üzrədir. Məscidin axundu abidənin divarlarının nəm çəkməsinə səbəb kimi ibadət evinə qaz verilmədiyini göstərib. Bu barədə bakıpost.az saytı məlumat verib. Axund fevral ayından Bakı fəhləsi küçəsinə verilən qazın təzyiqinin sıfıra endirildiyini deyib: "Balaca məsciddir. Qaz gəlsə, istilik təmin olunar və belə bərbad vəziyyət yaranmaz. Xalçalar da görürsünüz, bərbad gündədir. Aidiyyəti qurumlara şikayət etmişik, nə qədər demək olar? Deyirlər ki, təmir gedir. Nə qədər təmir olar? Yanvarda camaatın şikayəti artdı, qaz verdilər, sevindik. 1 həftə sonra yenə qazın təzyiqini azaltdılar. İndi sıfırdır. Fevral ayından qaz yoxdur. Kimdə motor var, onun qazı gəlir. Kimin ki yoxdur, o qalır soyuqda. Biz hansının pulunu ödəyək? Motor qoşulanda işıq da pul yazır. Biz qaz pulunu ödəyək, yoxsa, işıq pulunu?”

Məlumat üçün bildirək ki, "Hacı Əziz” məscidi XIX əsrdə Hacı Əziz tərəfindən tikilib. Məscidin sahəsi 41 m2 təşkil edir və burada eyni vaxtda 35 nəfər ibadət edə bilər.

Axund belə davam edərsə, Mədəniyyət və Turizm Nazirliyinin balansında olan məscidin yaxın müddət ərzində tamamilə sıradan çıxacağını bildirib.

Qeyd edək ki, bu, Mədəniyyət və Turizm Nazirliyinin balansında olan tarixi abidələrlə, xüsusən də məscidlərlə bağlı ilk şikayət deyil. Bir neçə gün əvvəl "Sovetski” dairəsi yaxınlığında görkəmli şair Mikayıl Müşfiqin heykəlinin götürüldüyü üçün hətta məhkəməyə belə müraciət etməyə hazırlaşan Mədəniyyət və Turizm Nazirliyi bu həssaslığı nədənsə tarixi abidələrdə səgriləmir. Dəfələrlə müraciətlərin edilməsinə baxmayaraq.


Maştağa məscidinin axundu: "Belə getsə, məscid tamamilə sıradan çıxacaq" - VİDEO

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • “əl-Əxbar”: Şam müttəfiqləri ilə qurudan əlaqəni müzakirə edib
    Bu əsnada Livanın "əl-Əxbar" qəzeti üçlü sammitdə nələrin müzakirə ediliyini qiymətləndirib.
     23.03.2019
    Zurabişvili azərbaycanlılarla rus dilində danışmaqdan imtina etdi
    “Gürcüstan ərazisində yaşayan müxtəlif millətlərdən olan insanları bir dil birləşdirməlidir, lakin bu, rus dili olmamalıdır”.
     22.03.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ