EURO 1,8737 TRY 0,2585
USD 1,7 RUB 0,0214
  1. http://www.islamazeri.com/
  2. XƏBƏRLƏR
  3. SOSİAL

Kateqoriya : XƏBƏRLƏR

SOSİAL

Yayınlanma tarixi:26.12.2019 11:41:34

Qarabağ müharibəsi veteranı Kərimov Qaraoğlan Mirzəhüseyn oğlunun göndərdiyi şikayətdə qeyd olunurdu ki, M. Hüseynzadə onu aldadaraq 3600 manat pulunu alıb.

Xəbər verdiyimiz kimi, bir az əvvəl Səhiyyə Nazirliyi məlumat yayaraq Tərtər Rayon Mərkəzi Xəstəxanasının baş həkimin müavini Mətanət Tofiq qızı Hüseynzadə vəzifə səlahiyyətlərindən sui-istifadə etdiyi üçün vəzifəsindən azad edildiyini açıqlayıb.

Maraq üçün bildirək ki, hələ avqust ayında Mətanət Hüseynzadənin rüşvət alması ilə bağlı “Yeni Sabah”a şikayət daxil olub. Belə ki, Ucar rayonu Alpout kənd sakini Qarabağ müharibəsi veteranı Kərimov Qaraoğlan Mirzəhüseyn oğlunun göndərdiyi şikayətdə qeyd olunurdu ki, M. Hüseynzadə onu aldadaraq 3600 manat pulunu alıb.

“Bu şikayət ərizəmdə yazıb bildirirəm ki, Tərtər rayon Mərkəzi Xəstəxanasının baş həkiminin müavini Mətanət Hüseynzadə məni aldadıb 3600 manat pulumu alıb, dələduzluq edib. Belə ki, mən Qarabağın azadlığı uğrunda gedən müharibədə iştirak edib döyüşlər zamanı yaralanmışam. Buna görə Qarabağ müharibəsi veteranı adı alsamda indiyə qədər Qarabağ müharibəsi əlili ala bilməmişəm. Səbəbi isə savadsızlığım və imkansızlığım olub. Mən buna görə Ucar rayon Hərbi Komissarlığına müraciət etdikdə komisar Rafiq Qədirov mənə bildirildi ki, sən Tərtər istiqamətində gedən döyüşlərdə yaralandığın üçün oranın xəstəxanasında müalicə olunmusan deyə həmin yerə müraciət etməlisən. Yaxın bir tanışımla Tərtər rayon Mərkəzi Xəstəxanasına gəldikdə dedilər ki, əlilik işinə baş həkimin müavini Mətanət Hüseynzadə baxır. Onunla görüşdük bizə bildirdi ki, ilk olaraq xəstəlik epikrez sənədi üçün 500 manat verməlisən əlilik sənədinə görə isə 3100 manat verməlisən.

Mən həmin pulu baş idarəyə verəcəm ki, sənə əlillik dərəcəsi təyin etsinlər. Mən 500 manatı həmin günü həkimə verdim o mənə xəstəlik sənədi verdi. 3100 manat pulu isə 03 aprel 2019-cu il tarixdə Tərtər rayon mərkəzi xəstəxansının baş həkiminin müavini Mətanət Hüseynzadəyə verdim. Bundan sonra o mənə gələn həftəyə əlilik sənədin düzələcək deyə-deyə məni bu günədək get-gələ saldı. İndi mənə tam məlum oldu ki, Tərtər rayon mərkəzi xəstəxansının baş həkiminin müavini Mətanət Hüseynzadə məni aldadıb 3600 manat pulumu alıb dələduzluq edib. Mən həmin pulu həkim Mətanət Hüseynzadəyə iki nəfər şahidin yanında vermişəm həmçinin həkim mənim vatsapıma çoxlu mesajlar yazıb, telefon danışıqları var ki, bunlar mötəbər subutlardı.

Onu da qeyd edim ki, həkimin 500 manat alıb mənə verdiyi xəstəlik epikrez sənədi saxtadır. Mən kasıb adamam heç bir yerdə işləmirəm himayəmdə 4 azyaşlı uşağım var. Həmin pulu qardaşımdan və qohumumdan borc alıb Mətanət həkimə vermişəm. Yeganə gəlirim ancaq Qarabağ müharibəsi veteranlığına görə aldığım 80 manat təqaüddür. İmkansızlıqdan uşaqlarım bu il məktəbə gedə bilməyəcək. Onlara məktəbli forması, məktəb ləvazimatı ala bilməmişəm. Həttda mesajlarında da bunu açıqca yazır və səslə deyir. Ucar rayon hərbi komissarlğından 3 dəfə Mətanət Hüseynzadəyə teleqram vurulub ki, sənədləri təqdim etsin. Sonradan mənə bildirdilər ki, Mətanət Hüseynzadə belə dələduzluq you ilə çoxlu sayda insanları aldadıb pullarını alıb”, - deyə Qaraoğlan Kərimov bildirib.

“Mən mətbuat vasitəsi ilə prezident cənab İlham Əliyevdən, Mehriban xanım Əliyevadan, Korrupsiyaya Qarşı Mübarizə İdarəsinin rəisi cənab Kamran Əliyevdən və Səhiyyə Naziri Oktay Şirəliyevdən xahiş edirəm vəzifə səlahiyyətlərindən sui-istifadə edib 3600 manat pulumu alıb dələduzluq etmiş Tərtər rayon mərkəzi xəstəxansının baş həkiminin müavini Mətanət Hüseynzadənin barəsində qanunu tədbirlər görəsiniz. Bu həkimin əməli dələduzluq cinayətidir”, - deyən Qarabağ veteranı M.Hüseynzadənin cəzalandırılmasını tələb edib və onun səs yazısını bizə göndərmişdi.


İşdən çıxarılan baş həkim müavininin ŞOK SƏS YAZISI

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Bakıda 18 metrlik avtobuslar xəttə buraxıldı - FOTO
    Bakıda fəaliyyət göstərən ekspres marşrut xətlərinə yeni avtobuslar buraxılıb.
     31.03.2020
    Müdafiə Nazirliyi tərxis və çağırış haqqında QƏRAR verdi
    Çağırış mayın 31-dək uzadılır, tərxis aprelin 20-25-i reallaşacaq
     31.03.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ