EURO 1,8701 TRY 0,2948
USD 1,7 RUB 0,0264
  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:21.05.2019 16:47:46

"Müsəlman Birliyi" Hərəkatının koordinatoru Əhsən Nuruzadə 6 saylı Cəzaşəkmə Müəsisəsində cərimə kamerasına salınıb

"Müsəlman Birliyi" Hərəkatının koordinatoru Əhsən Nuruzadə 6 saylı Cəzaşəkmə Müəsisəsində cərimə kamerasına salınıb. Bu barədə onun anası Zeynəb Hüseynova məlumat verib.

Onun sözlərinə görə, hadisə ötən həftənin şənbə günü baş verib. "Ötən həftənin şənbə günü Əhsən evə zəng etməli idi. Lakin biz nə qədər gözləsək də, Əhsən zəng etmədi. Sonra bizə oradakı məhbuslardan biri xəbər göndərdi ki, Əhsəni və digər məhbus olan Məhəmmədəlini cərimə kamerasına salıblar. Bu günə qədər Əhsən Nuruzadə bizimlə əlaqə saxlamayıb. Mən ona görə çox narahatam. O, oruc tuturdu və bu hala salınması məni çox narahat edir. Onun mədəsində də problem var", deyə Zeynəb Hüseynova qeyd edib.

Ana bildirib ki, bundan əlavə, oğlu birinci dəfə tutulanda işgəncələrə məruz qalıb və dizlərində ağrılar əmələ gəlib:

"Ehtimal edirəm ki, döyülərək işgəncələrə də məruz qalıb. Sabah çalışacağam gedim onunla görüşüm".

Öz növbəsində, Penitensiar Xidmətin İctimaiyyətlə Əlaqələr Şöbəsindən "Amerikanın Səsi"nə Əhsən Nuruzadənin cərimə təcridxanasına salındığını təıdiq ediblər.

"O, daxili intizam qaydalarına əməl etmədiyinə görə cərimə təcridxanasına salınıb. Nuruzadənin işgəncəyə məruz qalması ilə bağlı yayılan xəbərlərin isə əsası yoxdur, tam yalandır", deyə İctimaiyyətlə Əlaqələr Şöbəsinin əməkdaşı bildirib.

Əhsən Nuruzadə 2017-ci il oktyabrın 6-da narkotik maddənin qanunsuz dövriyyəsi ittihamı ilə həbs olunub. Ona qarşı Cinayət Məcəlləsinin 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham irəli sürülüb, bu da 5 ildən 12 ilədək azadlıqdan məhrumetmə cəzasını nəzərdə tutur. 2018-ci il martın 6-da o, 7 il azadlıqdan məhrum edilib.

Ə.Nuruzadə 2015-ci il Nardaran hadisələri ilə bağlı həbs edilən dini fəalların hüquqi və ictimai müdafiəsinin koordinasiyası ilə məşğul olub. O, yerli hüquq müdafiəçiləri tərəfindən siyasi məhbus kimi tanınıb. (Turan)


Əhsən Nuruzadə cərimə təcridxanasına salınıb

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Vilayət Eyvazov baş leytenantı rəis təyin etdi
    Daxili İşlər naziri, general-polkovnik Vilayət Eyvazovun əmri ilə Qazax rayon Polis Şöbəsinin Dövlət Yol Polis Bölməsinə yeni rəis təyin edilib.
     14.11.2019
    Bakıda ictimai asayişi pozan şəxsləri vətəndaşlar belə döydü - YENİ VİDEO
    Noyabrın 12-də Sabunçu rayonu, Bakıxanov qəsəbəsində yolu bağlayaraq qadınları təhqir edən şəxsin yeni görüntüləri yayılıb.
     14.11.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ