EURO 1,8999 NEFT 45,54
USD 1,7022 RUB 0,0285
  1. http://www.islamazeri.com/
  2. XƏBƏRLƏR
  3. TƏHSİL

Kateqoriya : XƏBƏRLƏR

TƏHSİL

Yayınlanma tarixi:11.02.2017 23:30:47

Hər il bu məktəbin onlarla məzunu ali məktəblərə daxil olur. Bu məktəbin şagirdləri rayonda keçirilən təhsil yarışlarında həmişə ən yüksək göstəricilərlə birinci yerə çıxırlar. Di gəl, hökumət belə məzunları olan məktəbə diqqət ayırmır”.

İslamazeri.az "Azadlıq" radiosuna istinadən xəbər verir.

Məlumata görə, Lənkəranın Veravul kəndindəki 2 saylı orta məktəb qəzalı vəziyyətdədir. Məktəb Əfqanıstanda hərbi xidmət borcunu yerinə yetirərkən həlak olmuş məzununun - Canəli Əzimovun adını daşıyır.

“Hadı Rəcəbliyə də məktub yazmışıq”

Kənd sakini Tamara Əliyeva deyir, hər səhər evdən yola saldığı azyaşlı övladlarından nigaran qalır:

“Məktəb elə vəziyyətdədir, deyrərsən, indi dağılar, bu saat dağılar... Deputat Hadı Rəcəbli də bu məktəbdə oxuyub. Ona da məktub yazmışıq. Hər yerə yazmışıq. Prezidentə, Heydər Əliyev Fonduna, təhsil nazirinə...”.

 

Sakinlər bildirirlər ki, Fövqəladə Hallar Nazirliyi məktəbin qəzalı olması barədə rəy verib. Ancaq hökumət hələ də tədbir görməyib.

Veravul doğumlu Əzizə Salmanova deyir:

“Özüm Bakıda yaşayıram. Bacımın uşaqları o məktəbdə ibtidai sinifdə oxuyur. Kənddə olanda uşaqları məktəbdən götürməyə getdim. Gözlərimə inanmadım. Maraqlandım, dedilər, bu binanı tikəndə ferma üçün nəzərdə tutublar. Sonradan nə fikirləşiblərsə, məktəb ediblər. Elə quruluşu da fermaya bənzəyir. Sınıq-salxaq partalar, çürümüş döşəmələr... Örtüyü bir küləyə bənddir ki, “uçub getsin”. Sinif otaqları buz kimi... Dəhlizlərdə siçovullar qaçışır. Məktəb deyil, xəstəlik mənbəyidir. Uşaqlar da xəstəliklərə yoluxmağa həssasdılar”.

 

Ferma kimi tikilib, məktəbə çevrilib?

Yağış yağanda, qar əriyəndə məktəb binasının qarşısında iri və dərin gölməçə əmələ gəlir. Məktəbə gələn və məktəbdən gedən uşaqlar həmin gölməçədən keçir, su ayaqqabılarına dolur, corablarına qədər yaş islnırlar.

Ötən əsrin ortalarında tikilən və ömrünü çoxdan başa vuran məktəb binasında 400-ə yaxın şagirdin təhsil aldığı bildirilir. Vəziyyətdən müəllimlər də narazıdır. Onlar da yeni məktəb binası üçün dəfələrlə müxtəlif qurumlara müraciət ediblər.

Sakinlərin sözlərinə görə, məktəbin bir hissəsi 5 il öncə çöküb. O zamandan yuxarı sinif şagirdlərinə yaxınlıqda yerləşən bələdiyyə binasında yer ayrılıb. Bina yeni olsa da, otaqlar kiçikdir deyə, tədrisə əlverişli deyil, şagirdlər oraya normal yerləşə bilmirlər.

“Sırası çatanda daha bir məktəb tikiləcək”

Kənddə 1 saylı orta məktəb də var. Yeni tikilib və təxminən 150 şagird oxuyur. Şagird tutumu az olduğundan, heç kəs övladını aparıb o məktəbə düzəldə bilmir.

Lənkəran Şəhər İcra Hakimiyyətindən “Qaynar xətt”ə bildirilib ki, 2012-ci ildə Nazirlər Kabinetinin xüsusi komissiyası kəndlərdəki 89 məktəbə baxış keçirib. 34 bina qəzalı kimi qeydiyyata alınıb. İndi bu qəzalı məktəblərin yerində yeniləri tikilir. Ancaq məktəblər növbəli qaydada inşa olunur. Veravuldakı 2 saylı tam orta məktəb də siyahıdadır:

“Orda bir məktəb tikilib istifadəyə verilib, növbəsi çatanda daha bir məktəb tikiləcək və 2 saylı məktəb söküləcək”.

5 il öncə demişdilər ki...

Veravullularsa deyirlər ki, 5 il əvvəl onlara məktəb binasının 2013-cü ildə tikiləcəyini vəd ediblər. Hətta məktəbin yaxınlığında yeni məktəb binasının təməli də qazılıb. Sonradan onlara məlum olmayan səbəblərdən işlər yarımçıq qalıb.


"Hadi Rəcəblinin məktəbi" bu gündədir

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Qahirə küçələrində bayram sevinci - FOTO
    Misir paytaxtında bayram sevinci yaşanır. İslamazeri.com tasnimnews-a istinadən fotoları təqdim edir.
     25.06.2017
    Bəşər Əsəd bayram namazında - FOTO
    Suriya prezidenti Bəşər Əsəd Homa şəhərində keçirilən Fitr bayramı mərasiminə qatılıb.
     25.06.2017

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ