EURO 1,8463 TRY 0,2773
USD 1,7 RUB 0,0265
  1. http://www.islamazeri.com/
  2. XƏBƏRLƏR
  3. DÜNYA

Kateqoriya : XƏBƏRLƏR

DÜNYA

Yayınlanma tarixi:19.12.2019 11:02:59

Həmin saatlarda Demokrat qanunvericilər Trampın impiçmentə layiq olduğunu irəli sürüblər.

İslamazeri.com "voa"ya istinadən xəbər verir ki, ABŞ Nümayəndələr Palatası çərşənbə günü axşam saatlarında Prezident Donald Trampı öz siyasi mənfəəti xatirinə prezident səlahiyyətlərindən sui-istifadə etməkdə və Konqresin onun əməllərini araşdırmaq səylərini əngəlləməkdə ittiham edərək onun impiçmentinə səs verdi.

Partiya xətti üzrə bölünən səsvermədə palatada çoxluq təşkil edən Demokratların mütləq əksəriyyəti iki impiçment maddəsini təsdiq edərək Trampı 243 illik ABŞ tarixində üçüncü impiç edilən prezident edib.

İmpiçment ittihamlarını araşdırdıqlarına görə Demokratları sərt tənqid atəşinə tutan Trampın yanvar ayında Senatda mühakimə olunacağı gözlənilir.

Senatdakı Respublikaçı çoxluq Trampın prezident vəzifəsindən kənarlaşdırılması ehtimalını azaldır ki, bu da Ağ Evə ikinci dönəm yiyələnməyə can atan Trampın siyasi taleyini 2020-ci ildə seçicilərin öhdəsinə buraxmış olacaq.

Nümayəndələr Palatası Trampın impiçmentini səsvermədən öncə altı saat debat edib.

Həmin saatlarda Demokrat qanunvericilər Trampın impiçmentə layiq olduğunu irəli sürüblər.

Prezidentin Respublikaçı tərəfdarları isə Trampın Ukrayna hökumətini sabiq vitse-prezident və 2020-ci il seçkilərində mümkün rəqibi Co Bayden və onun oğlu Hanter Bayden üzərində təhqiqata çağırmaqla yanlışlığa yol vermədiyini iddia ediblər.

İyulun sonunda Ukrayna Prezidenti Volodimir Zelenski ilə telefon danışığında Baydenlər üzərində təhqiqata çağıran Tramp həmin vaxt Rusiyapərəst separatistlərlə müharibə aparan Kyivə çatacaq $391 milyon dollarlıq hərbi yardımı müvəqqəti dayandırmışdı.

Tramp sonradan həmin vəsaitin Ukrayanya verilməsini təsdiqləmişdi ki, bir çox Respublikaçıların nəzərində bu, quid pro quo â€“ yəni Baydenlər üzərində təhqiqat müqabilində Ukraynaya hərbi yardımın verilməsi barədə ittihamları heçə endirir.

Nümayəndələr Palatasında impiçmentin birinci maddəsi (səlahiyyətlərdən sui-istifadə) 230:197 səslə, ikincisi (Konqres araşdırmasını əngəlləmək) isə 229:198 səslə qəbul edilib.

Çərşənbə axşamı Prezident Donald Tramp qəzəblə Nümayəndələr Palatasının ona qarşı irəli sürdüyü impiçment maddələrinə etiraz etmişdi. Tramp onu hakimiyyətdən uzaqlaşdırmağa çalışan Demokratları “ədaləti təhrif etməkdə və səlahiyyətlərini aşmaqda” günahlandırmışdı.

Spiker Nensi Pelosiyə ünvanladığı odlu-alovlu məktubda Tramp siyasi rəqiblərinə qarşı xarici təhqiqatlara başlatmaq ittihamını rədd etmişdi. Onun sözlərinə görə, Demokratlar diqqəti problemlərə yox, onun impiçmentinə yönəldirlər.

Tramp məktubda yazmışdı ki, “Salem cadugar məhkəmələrindəki hüquqi proses” ona qarşı olan mühakimədən daha ədalətli olub.

Tramp məktubun heç nəyi dəyişməyəcəyinə əmin olduğunu bildirsə də, "tarixi məqsəd naminə" öz etirazını diqqətə çatdırmaq istəyini aydın etmişdi.


Donald Trampa impiçment elan olundu

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Rəcəb ayının əməlləri, orucları, zikrləri
    Qarşıda gələn mübarək 3 mənəvi aylardan maksimum şəkildə yararlanaraq məğfirət əldə etmək mümkündür.
     25.02.2020
    Ermənistan Ordusunun əsgərimizi şəhid etməsinə XİN-dən açıqlama
    Azərbaycanın beynəlxalq tanınmış sərhədlərini qoruyan Dövlət Sərhəd Xidmətinin əsgərinin qətlə yetirilməsi cinayətdir
     25.02.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ