EURO 1,9874 NEFT 72,68
USD 1,7 RUB 0,0272
  1. http://www.islamazeri.com/
  2. XƏBƏRLƏR
  3. İQTİSADİYYAT

Kateqoriya : XƏBƏRLƏR

İQTİSADİYYAT

Yayınlanma tarixi:21.12.2017 11:46:25

Dövlət Gömrük Komitəsinin Biləsuvar Gömrük İdarəsində Azərbaycan və İran gömrük xidmətlərinin nümayəndələri arasında ikitərəfli işçi görüş keçirilib.

Komitədən “APA-Economics”ə verilən məlumata görə, tədbir Dövlət Gömrük Komitəsi ilə İranın Gömrük İdarəsi arasında "Məlumat mübadiləsi sistemi üzrə" Texniki Təminat Sənədinin müzakirəsi və gömrük hüquqpozmalarına qarşı mübarizə sahəsində əməkdaşlığın gücləndirilməsi məqsədilə təşkil olunub.

 Azərbaycan nümayəndə heyətində Dövlət Gömrük KomitəsiFəaliyyətin Qiymətləndirilməsi və İnkişaf Proqramları Baş İdarəsinin rəisi İqbal Babayev, həmin idarənin Layihələrin idarə olunması şöbəsinin rəisi Rauf Quliyev, Gömrük Sahəsində Hüquqpozmalara qarşı Mübarizə Baş İdarəsinin rəisi Baba Salayev, rəis müavini Mustafa Məmmədov, həmin idarənin Əməliyyat idarəsinin rəisi Məsum Rəsulov və Xarici Əlaqələr İdarəsinin rəisi Dilavər Fərzəliyev iştirak edib.

 İranı isə Gömrük İdarəsinin Gömrük hüquqpozmaları ilə mübarizə idarəsinin rəisi Nemet Allah Moomvandi, İnformasiya texnologiyaları idarəsinin rəisi Firizeh Khiyali, rəis müavini Ali Ramezani, həmin idarənin mütəxəssisi Saeed Arash və Beynəlxalq əməkdaşlıq idarəsinin ikitərəfli əməkdaşlıq şöbəsinin rəisi Amir Habibvand təmsil edib.

 Görüşdə Azərbaycan və İran arasında keçirilən mallar və nəqliyyat vasitələri barədə ilkin məlumat mübadiləsinin təşkili və gömrük hüquqpozmalarına qarşı mübarizədə əməkdaşlıq və qarşılıqlı yardım məsələləri müzakirə olunub.

 Görüşdə məlumat mübadiləsi sisteminin test rejimindən aktiv mərhələyə keçidi barədə qərar qəbul olunub.

 Qeyd edilib ki, artıq Azərbaycan və İran arasında keçirilən mallar və nəqliyyat vasitələri barədə ilkin məlumat mübadiləsinin tətbiqinə başlanılıb. Belə ki, risklərin idarə edilməsi sistemi vasitəsilə iki ölkə arasında keçirilən mallar və nəqliyyat vasitələrinin "yaşıl dəhliz" buraxılış sistemindən istifadəsi təmin olunacaq. Bu isə sərhəddə mallar və nəqliyyat vasitələrinin hərəkətini daha da sürətləndirəcək.

 Görüşdə məlumat verilib ki, ötən illə müqayisədə bu il Azərbaycan və İran arasında ticarət dövriyyəsi artıb. Həmçinin İran ərazisindən tranzit keçməklə Naxçıvan Muxtar Respublikasına hərəkət edən, eyni zamanda, Azərbaycan ərazisindən tranzit keçməklə İrana gedən nəqliyyat vasitələrinin sayında da artım qeydə alınıb. Vurğulanıb ki, sərhəddə sürətli keçidə şərait yaradan əsas amillərdən biri də Azərbaycan və İran arasında siyasi-iqtisadi əlaqələrin yüksələn xətlə inkişafıdır ki, bu da regionun tranzit imkanlarının genişləndirilməsinə öz töhfəsini verir.

 Görüşdə həmçinin məlumat verilib ki, Azərbaycan və İran gömrük xidmətləri arasında gömrük hüquqpozmalarına qarşı mübarizədə əməkdaşlıq və qarşılıqlı yardım məsələlərinə dair perspektiv iş planı tərtib edilərək hazırlanıb və təsdiq edilməsi üçün hər iki ölkənin gömrük xidmətlərinə təqdim ediləcək.


Azərbaycan və İran arasında yük və malların idxal-ixrac prosesi sürətləndiriləcək

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Bahalaşan və ucuzlaşan məhsulların - SİYAHISI
    Cari ilin son üç ayı ərzində ərzaq məhsullarının əvvəlki ayla müqayisədə ardıcıl olaraq ucuzlaşması ikinci rübdə birinci rübə nisbətən ümumilikdə istehlak məhsullarının və xidmətlərin qiymətlərinin 0,3 faiz aşağı düşməsinə səbəb olub.
     16.07.2018
    Ayətullah Xamenei: “Əsrin müqaviləsi” heç vaxt reallaşmayacaq
    İslam düşmənlərinin müsəlmanlarla mübarizədə başda Fələstin məsələsi və Yəmən müharibəsi olmaqla bu cür məsələləri diqqətdə saxladıqlarını xatırladan Ali Lider çıxışını belə davam etdirib
     16.07.2018

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ